احذروا فكر التحزُّب - محمد الودعاني -تستحق القراءة -
احذروا فكر التحزُّب
[poem font="Simplified Arabic,5,black,normal,normal" bkcolor="transparent" bkimage="backgrounds/7.gif" border="inset,4,gray" type=1 line=0 align=center use=ex num="0,black"]
ابتدي قولي وبالله ربي نستعين=ما يطيب القول من قبل ما نبدا بها
يا كلاب النار يا أهل الفتن يالمعتدين=يالخوارج يا دعاة الفتن وأسبابها
يا كلاب لجت بصوتها متنابحين=لا يهمك يالسعودي نبيح كلابها
في الحديث أوصافهم واضحه للعاقلين=حافظين أوصافها ماخذين حسابها
للصغار مروعين للكبار مكفرين=الخوارج كشرت من حديد أنيابها
فكرة التكفير عند الشباب الجاهلين=مفلس من جابها في البلد يسعى بها
مسألتها شايكة خلها للراسخين=المعافى يحمد الله ولا يشقى بها
المرض في روسها حدها السيف السنين=ما يعالج روسها غير قص أرقابها
حكمها في الشرع حكم الغلاة المارقين=لين يفهم متبعها خبيث إرهابها
ويش ذنب الأبرياء والصغار الآمنين=وامهم واطفالهم تحترق بثيابها
احفظوا أفكاركم يالشباب الطاهرين=الكلاب إن دنقت نجست بلعابها
ما يروح لعابها لو تغسله غسلتين=غير سبع أمرار والسابعة بترابها
الخوارج حاقدة والمشايخ ناصحين=المشايخ بالأدلة ترد كتابها
دولة التوحيد قامت على الساس لمتين=ما عليها من دعاة البدع واذنابها
الصلاة تقام في كل وقت مؤذنين=بايعين السوق إلى أذن تصك أبوابها
معتنين بالمساجد واخص الحرمين=خدمة البيتين من غيرها يعني بها
النساء متحشمة والرجال موحدين=وامنين في بلادينها وشعابها
الكبير توظفه والصغير معلمين=والمدارس ما خذت قرش من طلابها
والمريض تعالجه والضعيف مساعدين=للمقيم وللمواطن ومن ياطابها
والدعاة اللي على الحق فيها قايمين=والدعاة أهل العصابة تهد أعصابها
معقل التوحيد بآخر زمن يا منصفين=ما يطرّى الشرك فيها ولا يلقى بها
ما نقول المملكة كاملة يا عادلين=الكمال لربنا والبشر يا ما بها
انهجوا نهج السلف يا الشباب الصالحين=اتبع نهج الجماعة وخل أحزابها
امش في صف الجماعة وامام المسلمين=واعتزل تلك الفرق كلها واصحابها
واحذروا فكر التحزُّب طريق المفلسين=من هل التبليغ واخوانها واحبابها
امسكوا درب التعلم طريق المفلحين=شف هل الفتوى تعلو على مرقابها
والختم صلوا على قدوة المتناصحين=بين الفتنة وقال اقتلوا من جابها[/poem]
محمد بن فهد بن معتق الودعاني
الجزيرة -العدد 11204 -الأثنين 2 ,ربيع الثاني 1424
الرابط للقصيدة
